हिंदजागर न्यूज, प्रतिनिधी – पुणे – पुण्यातील मंडई मेट्रो स्टेशनला आग लागल्याची घटना घडली आहे.अवघ्या काही दिवसांपूर्वी उद्घाटन झालेल्या मंडई मेट्रो स्टेशनला आग लागली. बेसमेंटमध्ये ही आग लागली.
मध्यरात्री बाराच्या सुमारास मंडई मेट्रो स्टेशन येथे तळमजल्यावर फोमच्या साहित्याला आग लागून मोठ्या प्रमाणात धुर निर्माण झाला होता. अग्निशमन दलाकडून तातडीने 5 वाहने रवाना करीत आग पाचच मिनिटात आटोक्यात आणली. जवानांनी श्वसनरहित अग्निशमन उपकरणाचा वापर करत पाणी मारुन आग विझवली. जखमी कोणी नसून आग वेल्डिंगचे काम सुरु असताना लागल्याचा प्राथमिक अंदाज आहे.
सध्या आग नियंत्रणात आणण्यात आली असून यामध्ये कोणीही जखमी नसल्याची माहिती समोर येत आहे. अग्निशमन दलाने दिलेल्या माहितीनुसार, अग्निशमन दलाकडून तातडीने 5 वाहने रवाना करीत आग पाचच मिनिटात आटोक्यात आणली. जवानांनी श्वसनरहित अग्निशमन उपकरणाचा वापर करत पाणी मारुन आग विझवली. जखमी कोणी नसून आग वेल्डिंगचे काम सुरु असताना लागल्याचा प्राथमिक अंदाज व्यक्त करण्यात आला आहे.
सेवेवर परिणाम नाही
खासदार मुरलीधर मोहोळ यांनी सोशल मीडियावप पोस्ट करत घटनेची माहिती दिली आहे. तसेच मेट्रो सेवेमध्ये कोणताही परिणाम होणार नसल्याचे देखील खासदार मोहोळ म्हणाले आहेत. मोहोळ यांनी लिहिले आहे की, मंडई मेट्रो स्टेशनची आग नियंत्रणात, सेवेवर कोणताही परिणाम होणार नाही ! मंडई मेट्रो स्टेशनला आग लागल्याचा दुर्दैवी प्रकार काही वेळापूर्वी घडला होता. आगीची बातमी समजताच पुणे महापालिकेच्या अग्निशमन दलाच्या पाच फायर गाड्यांच्या माध्यमातून आगीवर तातडीनं नियंत्रण मिळवण्यात यश आले आहे.
सदरील घटना मेट्रोचे प्रवासी कामकाज संपल्यानंतर घडली होती. मेट्रो स्टेशनच्या वरच्या भागात वेल्डिंगची काम सुरू असताना हा प्रकार घडला. यासंदर्भात मेट्रोचे कार्यकारी संचालक श्री. श्रवण हर्डीकर यांच्याकडून सविस्तर माहिती घेतली असून या घटनेचा मेट्रो सेवेवर कोणताही परिणाम होणार नाही, असे मेट्रो प्रशासनाकडून कळवण्यात आले आहे, अशी माहिती मुरलीधर मोहोळ यांनी दिली आहे.
प्रवाशांच्या सुरक्षेवर प्रश्नचिन्ह
मेट्रो स्थानकाटे मोठे नुकसान झाले असले तरी रात्री आग लागल्याने प्रवाशांची वर्दळ नव्हती.त्यामुळे सुदैवाने कोणतीही जीवीतहानी झाली नाही. मेट्रोचे काम अर्धवट असताना उद्घाटन केल्याने अशा घटना घडल्याने पुन्हा एकदा प्रवाशांच्या सुरक्षेवर प्रश्नचिन्ह उपस्थित होत आहे.
— गणेश मारुती जोशी.
